குறிப்புக்கள் - (Notes)
வேறுபாடுகள் - (Pathanthara)
¹ - எவரீடு₃ - எவ்வரீடு₃.
³ - ஜேஸினட்டு - ஜேஸினடு.
Top

மேற்கோள்கள்
² - அணிமாதி₃ - அணிமாதி - அணிமா ஆகிய எண்சித்திகள் - இவையாவன - 'அணிமா' - சிறுத்தல்; 'லகிமா' - இலேசாக இருத்தல்; 'பிராப்தி' - எதனையும் அடைதல்; 'பிராகாமியம்' - தடுக்கவியலாத மனவுறதி; 'மகிமா' - பெருத்தல்; 'ஈசத்துவம்' - ஆளுகை; 'வசித்துவம்' - வசியம்; 'காமவசித்துவம்' - இச்சைகளை அடக்குதல். ('கரிமா' எனப்படும் 'கனத்தல்', இவற்றுடன் ஒன்றெனக் கூறப்படும்)

² - அணிமாதி₃ லீலலசே - அணிமாதி திருவிளையாடல்களினால் - இராமன் தன்னை மனிதனாகவே கருதி நடந்துகொண்டாலும், பல நிகழ்ச்சிகளில் தனது அவதாரப் பெருமையினை வெளிப்படுத்தியுள்ளான். இவையாவன - சிவனின் வில்லினை முறித்தது, பரசுராமனை வென்றது, கரன் முதலான பதினான்காயிரம் வீரர்களை தானொருவனாக, ஒன்றரை மணி நேரத்தில் வீழ்த்தியது, ஏழு சால மரங்களை ஓரம்பினால் துளைத்தது, துந்துபியின் பெருத்த, கனத்த எலும்புக்கூட்டினை தனது கால் கட்டைவிரலினால் உதைத்தெறிந்தது - இப்படி இன்னும் பல கூறலாம்.
Top

விளக்கம்
¹ - எவரீடு₃ தனகு - எவரீடு தனக்கு - சில புத்தகங்களில் இதனை, இறைவனைக் குறிப்பிடுவதாக (உனக்கு எவரீடு மூவுலகத்திலும் என்று) கூறப்பட்டுள்ளது. 'தனகு' (தனக்கு) என்ற சொல்லினால், இது தியாகராஜரைத்தான் குறிக்கும். அவர், தன்னுடைய பேற்றினை வியந்து, 'தனக்கு மூவுலகத்திலும் ஈடான பேறுடைத்தவன் இல்லை' என கூறுவதாகக் கொள்வதே பொருந்தும்.

² - அணிமாதி₃ லீலலசே - அணிமாதி திருவிளையாடல்களினால் - சில புத்தகங்களில், இதற்கு 'அணிமாதி சித்திகளை முனிவர்களுக்கு அருளிக் காத்தனை' என்று பொருள் கொள்ளப்பட்டுள்ளது. இறைவன், அணிமாதி சித்திகளுக்கு மேற்பட்டவனானாலும், 'லீல' (திருவிளையாடல்) என்ற சொல்லுக்கு, இறைவனைக் குறிப்பதாக மட்டுமே பொருள் கொள்ள இயலும். 'லீலலசே' என்பதற்கு பதிலாக, 'சித்₃து₄லசே' (சித்திகளினால்) என்றிருந்தால், ஒருவேளை, இவை முனிவர்களுக்கு அருளப்பட்டதாகக் கொள்ளலாம்.
Top